"ХУВЬ" 100X13М ГАНТАЙ

"ХУВЬ" хутга
Монголчууд аливаа баяр ёслол, хүндэтгэлийн арга хэмжээний үед хоймортоо зассан идээ шүүсийг ахмад настай, хүндтэй хүн хөндөж, үр хүүхдүүд, цугласан олонд “ХУВЬ” хишиг түгээдэг сайхан өв уламжлалтай.

Идээ шүүс хөндөхөд тохиромжтой байх хэмжээ, хутганы ажиллах чадвар зэрэг үзүүлэлтийг онолын үндэстэй тооцон энгийн хэрнээ чамин, уламжлалт монгол загвартай, зүүж агсахгүй ашиглахаар тооцож үхрийн ширэн хуйтайгаар “ХУВЬ” загварын хутгыг бүтээн эрхэм хэрэглэгч танаа өргөн барьж байна.
Аливаа хутганы гол үндсэн үүрэг нь хэрчих, огтлох, хуваах. Энэ үүргийг гүйцэтгэдэг гол зүйл нь мэс буюу ирний хэсэг. Хутганы чанарыг илтгэх гол үзүүлэлт бол ирний гангийн чанар юм.

“ХУВЬ” хутгыг мэс заслын хутга хийх зорилгоор Златоустын металлургийн үйлдвэрт тусгайлан гаргаж авч 1981 оноос үйлдвэрлэлд нэвтрүүлж, Социализмын үед мэс заслын хутга хийж ашигладаг байсан 100Х13М маркийн зэврэлтэд өндөр тэсвэртэй, ир хадгалах чадвар сайтай гэсэн үнэлгээтэй гангаар урлан бүтээдэг.
Хутганы мөрөн дээр “ХУВЬ” гэсэн сийлбэрт бичээс, зүүн ааг нь дээр болон хутганы шиний ар талд “ТАВАН НҮДЭН” бэлгэдлийг уран нарийн сийлж 999.9 хувийн сорьцтой алтаар шарсан.
Хутганы ишийг гоёлын хутганы иш хийхэд голчлон ашигладаг хуш модны ургацагаар урлаж ирний хоёр талд урт нас, энх амгаланг бэлгэддэг бидний өвөг дээдсүүдийн өнө эртнээс хэрэглэж ирсэн эвэр угалз хээг уран тансаг сийлж өгсөн болно.

“ХУВЬ” загварын хутга нь ердөө 555 ширхэг бүтээгдэх бөгөөд хутга бүр өөрийн хувийн дугаартай.

Гангийн төрөл - 100Х13М
Хатуулаг буюу HRC 58-59
Ирний урт: 180 мм;
Ирний өргөн: 21.5 мм;
Мөрний өргөн: 4 мм;
Ишний урт 145 мм;
Хутганы урт: 325 мм;
Иш: хушны ургацаг
Хуйны материал: үхрийн шир
Металл: гууль, никель, 999.9 сорьцтой алтан шармал /1 микрон/

ИЖ БҮРДЭЛД:
Хутга, үхрийн ширэн гэр, гэрчилгээ, баталгаа, аялалын зориулалттай зөөлөн гэр.

Төлбөрийн боломжууд

Биднийг дагаарай