“АВ” загварын Алтан, ЛИМИТЕД ангиллын хутга нь тансаг зэрэглэлд багтана.
Limited – 99 ширхэг

Эрхэм хүндтэй хүндээ барих нандин бэлэг. Чамин тансаг хутга цуглуулагчдад зориулсан бүтээгдэхүүн бол Монгол ахуйн өдөр тутмын хэрэглээнд нийцтэй байхаар тооцож аялал ба ан авд зориулан бүтээсэн АВ загварын алтан, ЛИМИТЕД ангиллын хутга юм.

“АВ” хутганы алтан, ЛИМИТЕД ангиллын хутганы бусад хутгуудаас ялгарах онцгой зүйл нь хутганы мэсний мөрөн дээр байх “АВ” калиграф бичээсийн дээр дүрслэн сийлсэн гал, нар, сарны “НАР”-ны байрлалд Доржпалам (Diamond), хутганы ишний төгсгөл дахь ТАВАН НҮДЭН бэлгэдлийн голын нүдэнд Мөнх хөх тэнгэрийг бэлгэдэн Индранил (Sapphire) үнэт чулуунууд шигтгэж өгсөн нь энэ загварын үнэ цэнийг давхар илтгэнэ.
 
Хутганы мэсний ган дээр уран нарийн сийлсэн “Монгол ав” сэдэвтэй зургийн дүрслэл, “ТАВАН НҮДЭН” бэлгэдэл болон “АВ” калиграф бичээс, өндөр их эцэг өвгөдийн үеэс хүндлэн дээдэлж бэлгэдэж ирсэн буган чулууны уран гоёмсог бугын дүрслэл хээг 999.9 сорьцтой алтаар шарж,  ховор нандин модон ишний ангилалд ордог хуш модны ургацагаар ишилж бүтээсэн болно.
“АВ” загварын Алтан, ЛИМИТЕД ангиллын хутга нь ердөө л 99 ширхэг бүтээгдэх бөгөөд хутга бүр өөрийн хувийн дугаартай.

Аливаа хутганы гол үндсэн үүрэг нь хэрчих, огтлох, хуваах. Энэ үүргийг гүйцэтгэдэг гол зүйл нь мэс буюу ирний хэсэг. Хутганы чанарыг илтгэх гол үзүүлэлт бол ирний гангийн чанар юм.
“АВ” загварын алтан ангиллын хутгыг мэсний ир хийх зорилгоор тусгайлан бүтээсэн ZLADINOX брэндийн 300 үелж гаргаж авсан ZDI1016 маркийн Дамаск гангаар бүтээдэг.

Ган: ZDI1016 (ZLADINOX брэнд); 
Хатуулаг буюу HRC: 58-59;
Ирний урт: 140 мм; 
Ирний өргөн 25 мм; 
Мөрний өргөн 5 мм;
Ишний урт: 120 мм; 
Хутганы урт 260 мм;
Иш: Хуш модны ургацаг
Хуй: Үхрийн шир
Үнэт чулуу: Доржпалам (Diamond), Индранил (Sapphire)
Сийлбэр чимэглэл: 999.9 сорьцтой алт /1 микрон шармал/

ИЖ БҮРДЭЛД:
Хутга, үхрийн ширэн гэр, гэрчилгээ, баталгаа, цэвэр модоор урлаж итали элгэн материалаар доторлосон бэлгийн хайрцаг, бэлгийн савалгаа.