“АВ” “Хөх ишт” ердөө 99 ширхэг үйлдвэрлэгдэх хутга нь тансаг зэрэглэлд багтана.

Эрхэм хүндтэй хүндээ барих нандин бэлэг нөгөө талаас чамин тансаг хутга цуглуулагчдад зориулсан бүтээгдэхүүн бол Монгол ахуйн өдөр тутмын хэрэглээнд нийцтэй байхаар тооцож аялал ба ан авд зориулан бүтээсэн АВ загварын “Хөх ишт” хутга юм.

 

Хутганы мэсний ар мөрөнд МОНГОЛ калиграф бичээс болон мэсний зүүн талд “ТАВАН НҮДЭН” бэлгэдлийг сийлэн 999.9 сорьцтой алтаар шарж, технологийн дэвшлийн илэрхийлэл болсон гайхамшигтай өнгө үзэмж төгс нийлмэл материалаар ишилж, 3 төрлийн металлын холимгоор чимэглэн тоноглов.

Аливаа хутганы гол үндсэн үүрэг нь хэрчих, огтлох, хуваах. Энэ үүргийг гүйцэтгэдэг гол зүйл нь мэс буюу ирний хэсэг. Хутганы чанарыг илтгэх гол үзүүлэлт бол ирний гангийн чанар юм.

“АВ” загварын “Хөх ишт” хутгыг мэсний ир хийх зорилгоор тусгайлан бүтээсэн ZLADINOX брэндийн 300 үелж гаргаж авсан ZDI1016 маркийн Дамаск гангаар бүтээдэг.

 

Тансаг ангиллын хутганы иш хийхэд зориулан бүтээгдсэн нийлмэл материал:

Олон өнгө, хээ дүрслэл бүхий металл болон полимер (Грек poly-, "олон" + -mer, "хэсэг") давирхай бүтэцтэй нийлмэл материалыг тансаг зэрэглэлийн хутганы иш хийх зориулалтаар тусгайлан бүтээдэг. Ийм төрлийн иш үзэмж сайтай, удаан эдэлгээтэй, орчны нөлөөнд тэсвэртэй гэдгээрээ бусад материалаас онцгой ялгаран хутга цуглуулагч, сонирхогчдын анхаарлыг татаж байдаг материал юм.

Alume төрлийн хөх өнгийн энэ ишинд хөнгөн цагаан бичил торт нийлмэл материалаар “долгион” хээг шигтгэж өгсөн нь хөх цагаан өнгөний ялгарлыг улам тодотгож, тансаг чамин биетийг бий болгож чаджээ.

 

Ишний металл тоног ZLADINOX брэндийн ZlaTi титаны дамаск:

Нарийн чимхлүүр, өндөр технологийн үр дүнд чимэглэлийн тоног хийх зориулалтаар гаргаж авдаг нэгэн төрлийн маш сонирхолтой металлын холимог бүтэц бол титаны дамаск юм. Тансаг ангиллын цор ганц, цөөхөн ширхгээр хийгддэг хутганы иш, ишний тоногт ид “трэнд” болж байгаа материалын жагсаалтын манлайд манай хутгыг үйлдвэрлэгчийн эзэмшдэг ZLADINOX брэндийн ZlaTi титаны дамаск зүй ёсоор ордог.

“АВ” “Хөх ишт” хутганы ишинд “мушгиа” хээ дүрсэлсэн BT1.6 ба BT6 төрлийн титаны хайлшаар бүтээсэн ZlaTi титаны дамаскийг ашигласан нь Alume төрлийн хөх өнгийн дэвсгэр дээрх хөнгөн цагаан бичил торт нийлмэл материалын хослолтой хэрхэн гайхамшигтай өнгө хосолсныг Эрхэм хэрэглэгч та харж, мэдэрч болно.

 

Ган: ZDI1016 (ZLADINOX брэнд);

Хатуулаг буюу HRC: 58-59;

Ирний урт: 140 мм;

Ирний өргөн: 25 мм;

Мөрний өргөн: 5 мм;

Ишний урт: 120 мм;

Хутганы урт: 260 мм;

Иш: Alume төрлийн нийлмэл материал

Хуй: Үхрийн шир

Сийлбэр чимэглэл: 999.9 сорьцтой алт /1 микрон шармал/

 

ИЖ БҮРДЭЛД: Хутга, үхрийн ширэн гэр, гэрчилгээ, баталгаа, цэвэр модоор урлаж итали элгэн материалаар доторлосон бэлгийн хайрцаг, бэлгийн савалгаа.