"МЯНГАНЫ СУУТ ХҮН" шүтээн хөрөг.
CHINGIS KHAAN - MAN OF THE MILLENNIUM
Цагийн урсгалд түүхэн хүмүүс, түүхт үйл явдлууд бүдгэрэн зарим нь ор тас мартагдан алсарч байхад гагцхүү Их хаан Чингисийн суу алдар улам бүр тодрон гялалзаж ертөнцийн зон олны сонирхлыг соронз мэт татаж байна. Их хаан Чингис болон түүнийг залгамжлагчид хүн төрөлхтний түүхэнд анх удаа Ази Европыг дамнасан Монгол хэмээх их гүрнийг байгуулж хоёр зуун дамнан оршихдоо дорно, өрнийн улс орнуудын түгжигдмэл хаалттай байдлыг эцэслэж үндэстнүүдийн соёл иргэншлийн хэлхээ холбоог бэхжүүлэн, дэлхийг холбосон харилцаа холбооны сүлжээг байгуулан, худалдааны асар өргөн уудам, аюулгүй чөлөөт бүс бий болгосон юм. Тэрээр ойртон нягтарсан, эвтэй найртай шинэ дэлхий ертөнцийг байгуулахыг хүсэж тэр зорилгодоо ч хүрсэн билээ. Монголын их амар амгалант үе хэмээн дэлхийн түүхэнд нэрлэгдсэн их үйлийг бүтээгч нь Их хаан Чингис бөлгөө.
Их хаан Чингисийн суу алдар та биднийг ашид ивээх болтугай!
*********************************************************************
Тайваны Үндэсний түүхийн музейн санд хадгалагддаг хөрөг болон Монгол улсын мөнгөн тэмдэгтэд залсан Их Хааны хөргийг эш болгон бүтээсэн дүр.
Их Хааны эш хөргийг гальваникийн буюу электролизийн (Electrotyping) бүрэлтийн аргаар өндөр нарийвчлалтайгаар зэс материалаар биежүүлэн гарган авч никель, лак, мөнгө, алтаар чимэглэн улаан модны нэгэн төрөл зүйл Sapele модоор урласан хүрээнд эрхэмлэн залж бүтээв.
Хэмжээ: өндөр 26.5 см, өргөн 26.5 см, зузаан 3.0 см
Материал: зэс, никель, мөнгө, алт, лак, мод.
999.9 сорьцтой алтан бүрэлт (1 микрон)
Иж бүрдэлд: Хөрөг, бэлгийн хайрцаг, гэрчилгээ, бэлгийн савалгаа.
Limited - 999 ширхэг